Ki niam bad ki balang ruh ki long ki rukom ki jingmane Blei. Ki niam ki long ki rukom ba kynja doh, wat ki jingainguh ruh ki bym lah ban pynjanai ïa ka jingïatiplem jong uta uba mane (Hebru 9 :9). Ki jingkñia ainguh ruh kim lah ban pyndam ïa ka pop. Namar phi donkam ïa ka jingïashah ba haba phi la ioh leh ïa ka mon u Blei. Ngi lah ban long ki riewniam ne ki dkhot ka balang haduh ka jingïap hynrei ngim ym lait na ka pop ne ka jingïap. Ka jinglong dkhot ha ka balang ka long tang ban pynsngewbha ïa ki nongïalam balang ym ïa u Blei. Namar ka ktien u Blei ka ong, suk kiba khuid ha ka dohnud, naba kin iohi ïa u Blei. Namar ha u Khrist Jisu ka jingotsher kam lah leh ei ei ruh lymne ka jingbym otsher. Ka jinglong dkhot ha ka balang ruh kam lah leh eiei lymne wat ki bym long dkhot balang ruh. Baroh ngi ïa ioh kumjuh ïa ka jingai ei bad ka jingkyrkhu na u Blei. Wat la ngi long niam ne ngim long niam ruh. Namar ka doh bad ka snam kim lah ban ioh ïa ka hima u Blei (I – Korinth 15 : 50).
C. B. Iawphniaw
