Shillong, Risaw 20
Ka jinglap ïa ka metïap jong u heprit Kyrshanbor Kharmudai ba dang 7 snem ka rta na ka shnong Nongrah Lummyrboh ka la dap khatwei sngi mynta ka sngi ka 20 tarik Risaw, 2025 hynrei haduh mynta ki pulit kim pat lapksai ïa kiba donkti.
Nalor ba kim pat lapksai ïa kiba donkti, kiba haïing ruh kim pat ïoh ïa ka kaiphot post mortem na ki pulit ne na ki doktor ruh.
Kum ban shu pynkyn -maw haba shah pynïap kiwei ki briew ha kine ki sngi ki pulit ki la lapksai ïa kiba donkti hynrei ka jingbym lapksai ïa kiba pynïap ïa u heprit Kyrshanbor ka la pynsah umdum ym tang ïa kiba haïing hynrei ïa ka imlang ka sahlang ruh.
Kum ban shu pynkyn -maw u heprit Kyrshan-bor u dei u khunswet uba la jah na ïingsah ha ka por ïalehkai ha phyllaw ïing ha ka 8 tarik mynta u bnai ha ka por 4:00 baje janmiet hynrei haba ki nongshong shnong ki la wad baroh shimiet kim lap bad dei ha ka sngi ba bud ka 9 tarik la ïoh jingtip ba la lap ïa ka metïap u heprit Kyrshanbor harud surok ha Mawpat.
Ka jingjah u Kyrshanbor na ïingsah ka la pynsuba ïa kiba haïing ba lah ban dei ba pynïap menshohnoh.
Ka jingbym lapksai ki pulit ïa kiba pynïap ïa u heprit Kyrshanbor ka la pynartatien shuh-shuh ïa kiba haïing bad ïa ka imlang ka sahlang.
