Shillong, Risaw 21
Ka Mawtawar SC ka la pynliem noh ïa ka Nongkrem SC da 4-3 kol na ka bynta ban khur ïa ka jingjop kaba nyngkong ha ka SSA 1st Division Football League-2025 kaba la long ha ka sngi Ba-ar ha SSA Stadium Polo.
Ha kane ka jingïakhun ka Mawtawar ka la thep ar kol ha ka kylla step lyngba u Fredrick Lyngdoh ha ka minit kaba 7 bad u Khrawkupar Nongbri ( 26), hynrei ka Nongkrem ka la pynphai kylla lyngba u Robertstar Malngiang (45+1) hashwa ban kut ka kylla step.
Hadien katto katne por ba la bteng ïa ka jingïakhun jong ka kylla miet ka Mawtawar ka la thep biang sa ar kol lyngba u Nikrak Sangma (5) bad u Alijah Kharumlong ( 90+1) hashwa ba ka Nongkrem ka pynphai kylla shi kol lyngba u Balajied (80) bad ban mad ïa ka jingshah rem kaba ar ha kane ka lympung.
Da kane ka jingjop ka Mawtawar ka la jam sha ka kyrdan basaw bad kamai 5 point na ki saw sien ïakhun, katba ka Nongkrem ka la hiar sha ka kyrdan basaw bad 4 point.
Ka jingïalehkai ha ka sngi Balang kan long hapdeng ka Pohkseh SC pyrshah ïa ka Mawkhar SC ha ka por 1:15 mynsngi, katba ka Lawsohtun SC ïa ka Meghalaya Police FT ha ka por 4:15 nohphai sngi.
