Khliehriat, Risaw 21
Ka Dhana CSC bad ka Diengshynrum SC ki la khur jingjop ha ka Super Division Football Tournament ba la pynïaid da ka East Jaiñtia Hills District Football Association (EJHDFA) ha ka sngi Ba-ar ha madan artificial turf Diengshynrim, Khliehriat.
Ha ka jingïalehkai kaba nyngkong, ka Dhana CSC ka la pynliem noh ïa ka Ladrymbai B SC da 1-0 kol bad ïa kane la thep da u Phonlangki Khaïi ha ka minit kaba 25.
Haba phai sha kawei pat ka jingïalehkai kaba bud, ka Diengshynrum SC ka la jop da 2-0 kol ïa ka Sutnga SSCC. Ïa kine la thep da u Khrehbha Lyngdoh ha ka minit kaba 9 bad u Kerlang Tlang (77).
