Shillong, Risaw 21
U Myntri ka Sorkar Jylla, u Timothy D. Shira, ha ka Sngi Ba-ar, u la kynthoh ïa u MP ka Congress na Tura, u Saleng A. Sangma halor ka jingpyrthuh bud jong u ïa kijuh ki jingdawa ba la pynsngew da kiwei pat ki MLA haba ïadei bad ka jingpynïar ïa ki lynti rel sha kiwei pat ki bynta jong ka Ri-lum Garo.
U Shira u la kdew ba ha ka por ba u dang long kum u MLA, u Saleng Sangma u la sngap jar halor kane ka mat ba ïadei bad ka jingpynïar lynti rel.
“Kata (ka jingdawa jong u Saleng) ka dei kaba shu pyrthuh. Ki don kiwei pat ki MLA kiba dawa ban pynïar ïa ki lynti rel; kata ka dei tang ka jingban biang ïa kajuh kaba la dep ban pynsngew, um don ïa ka buit na lajong. Ha ka por ba u dang long MLA, u lah dei ban dawa ban pynïar ïa ki lynti rel. Lada u kwah ban leh eiei kaba bha ïa ki paidbah, hynrei u la long MLA la slem, u la sngap jar,” la ong u Myntri ha ki nongthoh khubor.
Katkum ka jingong jong u, ki MLA khamtam na ka NPP ki la dawa ban pynïar ïa ki lynti rel sha Baghmara kaba hap ha South Garo Hills District.
Haba kylli, u Shira u la pynpaw ïa ki jingpyrshang jong ki nongthep ‘vote’ jong u ha ka ban ïada ïa ka jaka jong ki bad ban khanglad ïa ka jingwan rung kyrthep.
Shuh shuh u la ban jur ba ki briew ha ka thaiñ jong u ki long kiba husiar bad kiba peitngor, ban pyntikna ba ki bym dei ‘riewlum kin ym shong shnong ne shim jaka khlem ka jingbit.
