Shillong, Risaw 21
Ka kynhun ki khynnah ïalehkai ka Jylla ka la mih na ka nongbah ha ka sngi Ba-ar ban leit shim bynta ha ka lympung ïalehkai Sub Junior Boys’ National Foot -ball Championship 2025-26 (Tier-2) ka ban long ha Narainpur, Chhattisgarh ka ban sdang naduh 25 tarik mynta u bnai.
Ha kane ka lympung ka Meghalaya ka la don ha ka Group-C ha kaba la kynthup lang ïa ka Himachal Pradesh, Chhattisgarh bad ka Andhra Pradesh.
Te kumta ka Megha-laya kan sdang ïa ka jingïalehkai ba nyngkong pyrshah ïa ka Chhattisgarh ha ka 26 tarik ha ka por 3 baje nohphai sngi, kumjuh ïa ka Andhra Pradesh ha ka 28 tarik por 8:30 mynstep bad ïa ka Himachal Pradesh ha ka 30 tarik por 8:30 mynstep. Ïa kine ki jingïalehkai yn pynlong ha madan RKM Ashrama.
Kiwei pat ki kynhun kiba don ha ka Group-A ki long ka Rajasthan, Telan-gana, Jammu & Kashmir bad ka Uttarakhand. Ha ka Group-B ki long ka Andaman & Nicobar, Tripura, Arunachal Pra-desh bad ka Chandigarh. Katba ha ka Group-D ki kynthup ïa ka Tamil Nadu, Pondicherry bad ka Madhya Pradesh.
Ki kynhun ki ban wan ha ki kyrdan ba hakhlieh ha baroh ki saw tylli ki group kin rung sha ka semi final ki ban long ha ka 1 tarik bad 9 tarik na ka bynta ban ïaknieh rung final ka ban long ha ka 12 tarik u Naiwieng.
Ïa katei ka kynhun ïalehkai ka Jylla la ïalam da u Bah Dapmon Tariang kum u Coach, Bah Teibor Dohling kum u Assistant Coach, Mana-ger Bah Kmenlang Shylla bad Physio Bah Elderson Warbah.
