Tura, Risaw 22
Saw ngut ki suba nongtuh masi, kila lait salit na ka jingshah bom shnong ha ki paidbhur ka shnong Debilongagre ha West Garo Hills, da ka jingkloi mih bad ïada ki nongïalam shnong kynthup u Nokma.
Kine ki briew kila shah kem ha ka miet sngi Ba-ar halor ka jingsuba ba ki dei ki nongtuh masi bad la set ïa ki ha ka ïingsah u Nokma.
Katkum ka khubor na ki pulit ka Gambegre Outpost, la ong ba ki pulit ka Dobasipara Beat House bad Gambegre OP kila hiar mar-mar sha katei ka shnong tang mar ïa ïoh jingtip ïa kane ka jingjia.
Ki pulit kila ïoh ban pyllait ïa kine ki saw ngut na ki paidbhur bad kila lah ban tem ïa u paidbah hashuwa ba kin kit ïa baroh ki saw ngut sha thanad.
Kine ki saw ngut ki kyrteng ki long u Romero Ch. Momin ba na Upper Chandmary, Tengsu D. Shira ba na Alotgre Niram Ading, Tingku Rishi ba na Dobasipara bad Tengsrang Ch. Sangma ba na Gambegre. Ki pulit kila pynlong ïa ka jingtohkit halor kane ka jingjia.
