Tura, Risaw 22
Ha ka step sngi Balang, ki pulit kila lap ïa kawei ka briew (bym tip kyrteng) kaba la thiah ha ka jinglong bym da tip briew bha ha ryngkat bad ki dak mynsaw ha ka khlaw Captain Reserve Forest, Tura.
Katkum ka kaiphod ki pulit, ka kynhun pahara na thanad Araimile ka la lap ïa kane ka longkmie ha ka por kumba 7:22 mynstep bad mar-mar la pynkynriah ïa ka sha Tura Civil Hospital ban ïoh jingsumar.
Ki pulit kila ïathuh ba kane ka briew kam shym pat lah satia ban kren bad ka dang don hapoh ka jingpeit bniah jong ki doktor.
Ïa kane ka case la aiti noh sha ka Tura Women Police Station na ka bynta ban pynlong ïa ka jingtohkit.
