Jowai, Risaw 22
Ka lympung ïalehkai Super Division Football Tournament 2025 na ka bynta ka 17th Kiang Nangbah Memorial Trophy ba la pynïaid da ka West Jaiñtia District Sports Association (WJDSA) ka la sdang ha ka sngi Balang ha kaba ka Chutwakhu ka la khur ïa ka jingjop ha Kiang Nangbah Stadium, Jowai.
Kane ka nam jop ka la wan hadien ba ka la pynliem noh ïa ka Nangbah Mulang da 2-1 kol. Ïa kine la thep da u Trerisen Tariang ha ka minit kaba 52 & 53, hynrei shwa ban wai ka Nangbah Mulang ka la pynphai kylla shi kol lyngba u James Sungoh (90+2) hashwa ba kan mad ïa ka jingshah rem.
