Tura, Risaw 22
Ki Pulit ka Rongram Outpost ha ka sngi Balang, kila ïoh ban bat bad kem noh ïa ki 3 ngut ki briew kiba pyrshang ban dawa pisa na ki nongkhaïi. Kine kiba shah kem kila kam ba ki dei dkhot jong ka sengbhalang.
Kine kiba la shah kem ki dei kiba tip kyrteng u Mansrang Ch. Marak, Donstand A. Sangma bad u John Momin kiba dei na Lower Durabanda ha South Garo Hills.
Ki pulit kila ïoh kurup ruh ïaka kali Maruti Car ba don ïa u registration number ML07-B-3936 ïa kaba la kynnoh pyndonkam da kine ki briew.
Ki pulit ki la pynlong ïa ka jingtohkit ban pynthikna la kine ki briew ki don bynta ne em ha kiwei ki kam beaiñ hapoh ka thaiñ.
