Nongpoh, Risaw 23
Ki pulit ka Ri-Bhoi ki la pyndep ïa ka jingtohkit bad ban ‘chargesheet’ ruh ïa u Iainehskhem Kharsati (22 snem ka rta), u runar uba la suba jur ban donkti leh be-ijot bad pynïap ïa kawei ka heprit ha Ri-Bhoi District ha kine ki khyndiat taïew ba lah dep.
Ka jingpyndep ïa katei ka jingtohkit bad ‘chargesheet’ ïa utei u runar, ka dei 13 sngi thik hadien ba ki bor pulit ka Ri-Bhoi ki la ïa ioh kem ïa u, kata ha ka 10 tarik u Risaw 2025, shi sngi hadien ba u la leh ïa ka katei ka kam pyntriem ban leh be-ijot bad pynïap ïa katei ka khynnah kaba dang 13 snem ka rta ha kawei ka shnong kaba dang hap hapoh ka jingkhmih ka thanad Umïam.
Ki pulit ki la ïathuh ba ïa katei ka jingtohkit, la leh da ka WP/UBSI S. Ryngksai na thanad Umïam bad lyngba ka jingïarap na ki para pulit, ki nongïalam shnong bad ruh na ki dkhot VDP, la lah ban pyndep noh ïa ka ‘chargesheet’ jong kane ka mukotduma katkum ka Nongpoh Women PS CS No. 58/2025 dated 22.10.2025 pyrshah ïa u Iainehskhem Kharsati.
