Shillong, Risaw 23
Ha ka jingshakri ïa ki khun samla ban ai jinghikai ha ki liang pyntbit ha ki lad ai kam ai jam, ka Dalmia Bharat Foundation (DBF), kaba dei ka bynta jong ka Dalmia Bharat Ltd, ka la rakhe ïa ka jingjop jong ka ha kaba 30 ngut ki khynnah pule ha ka bynta ba ar (2nd batch) ki la pyndep ha ka Beauty Care Course ha Jaiñtia Eastern College Graduation Day ceremony.
Kine ki 30 ngut ki la ïoh jinghikai na ka DIKSHa Lumshnong Centre.
La sakhi ruh ha katei ka sngi ïa ka jingïadon ryngkat lang u Bah Kyrmen Shylla, MLA ka Khliehriat Konstitwensi kum u kongsan bad u symbud kongsan u Padmanav Chakravarty, Unit Head, DCBL, Meghalaya.
Haba ai jingkren na ka liang u MLA, u la ai khublei ïa ki khynnah kiba pass, ha kaba u da kitbok kitrwiang ruh ïa ka lawei jong ki.
Nalor kata, u la ïaroh ruh ïa ka jingtrei shitom jong ka Dalmia Bharat Foundation.
Na ka liang jong u Padmanav Chakravarty, Unit Head, DCBL, Meghalaya Dalmia Cement (Bharat) Limited u ong, “Ka Dalmia Bharat ka ïai bat ïa ka jingkular jong ka ban pynkupbor ïa ki khynnah samla bad ruh ban nang pynroi ïa ka sap ka phong ba ki don.”
“Lyngba ka DIKSHa, ngi thmu ban ïarap ïa ki khun samla ka Meghalaya da ki sap ki phong ba donkam ha ki por ba mynta,” la ong u Padmanav.
