Shillong, Risaw 23
Ka Senior Women’s Zonal Selection Committee na ka bynta ka North East Zone ka la jied ïa 15 ngut ki ‘thei ïalehkai ki ban mihkhmat ïa ka thaiñ sha ka Senior Women’s Inter Zonal T20 Trophy 2025-26 ban pynïaid da ka BCCI.
Ki lai ngut ki ‘thei ïalehkai ka Jylla Meghalaya kata ka Riticia Nongbet, Debasmita Dutta bad ka Solina Jaba ki la shah kynthup lang hapoh kane kynhun. Ka Debasmita kan shimti kum ka kapten bad ka Baïahunlang Mylliemngap kum ka manager.
U President ka Meghalaya Cricket Association u Nababrata Bhattacharjee u la long kum u convener jong ka jingïalang ka selection committee kaba la long ha ka sngi Ba-ar ha Guwahati.
Ïa katei ka lympung yn pynlong ha Nagaland naduh 4 haduh 14 tarik u Naiwieng.
Ki ‘thei ïalehkai ka North East Zone ki long ka Nabam Abhi, Nabam Yapu (kiba na Arunachal Pradesh), Kiran Bala Haorungbam, Ranjita Koijam (kiba na Manipur), Lalrinfeli Pautu (Mizoram), Riticia Nongbet, Debasmita Dutta, Solina Jaba (kiba na Meghalaya), Najmeen Khatun, Vipeni (kiba na Nagaland), Nandika Kumari, Pranita Chettri, Primula Chettri, Priyanka Kurmi, Samayita Pradhan (kiba na Sikkim)
Katba ki nong kiba nongïarap jong ka kynhun ki long ka Deepali C Patkar (coach), Lalruatsanga (assistant coach), Sheril Lepcha (physio), Jasika Karam (trainer), Abhishag Vantluangpui (assistant physio) bad ka Baïahunlang Mylliemngap (manager).
