Shillong, Risaw 23
Ka lympung ïalehkai 1st Division Football League -2025 ba la pynïaid da ka Shillong Sports Associa-tion ka la nangjam sha -phrang ha kaba ka Nong-thymmai SC ka la khur ïa ka jingjop, hadien ba ka la pynliem noh ïa ka Ryntih SC da 2-0 kol ha ka sngi Palei.
Kane ka nam jop ka la wan urlong lyngba ki ar kol ba la thep da u Ïaikyrmen Shynret na ka bynta ban pynlong ïa kane ka kynhun ban ïai bteng ban bat ïa ka kyrdan balai bad kamai 8 point na ki saw sien ïakhun.
Naduh kaba sdang baroh ar ki kynhun ki la pyrshang ban ïakhun tyngeh na ka bynta ban ïoh pynkhih jar, hynrei kim shym la lah ban pynurlong. Hashwa ba kut ka kylla step ka Nongthym-mai ka la ïoh ban thep kol nyngkong eh lyngba u Ïaikyrmen ha ka minit kaba 42. Une u rangïaleh-kai shakhmat u la pynbud biang ïa ka kol kaba ar ha ka minit kaba 60 jong ka kylla miet. Haduh kaba kut ka jingïalehkai ka Ryntih kam shym la lah ban pynphai bad ka la mad ïa ka jingshah rem.
Da kane ka jingjop ka Nongthymmai ka dangduna sa saw point ïa ka Nongkseh bad Meghalaya Police, kiba don ha ka kyrdan ba nyngkong bad ba-ar, katba ka Ryntih mynta ka la don ha ka kyrdan ba shatrai na ka bynta ban kamai mar 1 point ryngkat ka Lawsohtun bad ka Pohkseh.
Ka jingïalehkai ha ka sngi Thohdieng kan long hapdeng ka Nongkrem SC pyrshah ïa ka Nong-rah SC ha ka por 1:15 mynsngi.
