Jowai, Risaw 23
Ka Ummulong SC ka la long sa kawei ka kynhun kaba rung sha ka semi final ha ka lympung ïalehkai 1st Division Football Tournament (Hajan Shylla Memorial Trophy), ba la pynïaid da ka Thadlaskeiñ Sports Association (TSA).
Kane ka jinglah ban pynthikna ka la wan hadien ba ka la pynliem noh ïa ka Jalapang SC da 2-1 kol ha quarter final kaba la long ha Multi Sports Complex, Wahïajer ha ka sngi Palei.
Ïa ki kol na ka Ummulong la thep da u Samroi Phawa ha ka minit kaba 46 bad u Lamphrang Dkhar (56), katba ka Jalapang ka la pynphai kylla shi kol lyngba u Marvel Kyndait (70).
Ka jingïalehkai quarter final kaba lai ha ka sngi Thohdieng kan long hapdeng ka Khliehtyrshi pyrshah ïa ka Tyrshang SC.
