Shillong, Risaw 24
Ka lympung ïalehkai phutbol ka SSA 1st Division Football League-2025 mynta ka sngi ka long da ka jingïalehkai hapdeng ka Nongkrem SC pyrshah ïa ka Nongrah SC ha ka por 1:15 shiteng sngi ha madan SSA Ground ha ka 24 tarik Risaw 2025.
Ka Nongkrem SC ka la jop da 3 – 1 kol ïa ka Nongrah SC ha ka jingïalehkai, u Sawa Tang u la ïoh thep kol ha ka minit ba 42, u Balajied Lyngwa 70 bad u Terrance Jyrwa ha ka 85 minnit. Katba ka Nongrah SC ka la ïoh shi kol lyngba u Shanbok Marboh ha ka minit ba 73.
Ha ka 25 tarik Risaw 2025 ka MLP kan ïakhun pyrshah ïa ka Pohkseh SC ha ka por 1:15 shiteng sngi ha kajuh ka jaka, katba ka jingïalehkai kaba bud ka long hapdeng ka Mawtawar SC pyrshah ïa ka Nongkseh SC ha ka por 4:15 janmiet ha kajuh ka jaka ha madan SS Ground.
