Khliehriat, Risaw 24
Ka Thangskai Tiger SC bad Rymbai Skhenshynriah SC kala khur jingjop ha ka jingïalehkai Super Division Football Tournament ba la pynïaid da ka East Jaintia Hills District Football Association (EJHDFA).
Ha ka jingïalehkai kaba la long ha madan artificial turf Diengshynrum, Khliehriat ha ka 24 tarik Risaw, ka Thangskai Tiger SC ka la pynliem ïa ka Dhana CSC da 4-2 kol.
Ïa ki kol jong ka Thangskai Tiger SC la thep da u Pynthymme Rymbai 5 & 27 (P), u Suting Syrti 45+4 bad Solomon Sympli 62, katba ïa ki kol jong ka Dhana la thep da u Apphira Sumer 54 (P) bad Micheal Siangshai 90.
Ha ka jingïalehkai kaba bud, ka Rymbai Skhenshynriah SC kala pynliem ïa ka Chiehruphi SYWSC da 3-0 kol.
Ïa ki kol jong ka Rymbai Skhenshynriah SC la thep da u Rakesh Pradhan 5, Ribiang Dkhar 90 bad Goldenson Japui 90+2.
