Shillong, Risaw 24
Ki Pulit Anti Narcotics Task Force (ANTF) ha ka step sngi Thohdieng, kila ïoh kem ïa arngut ki suba nongkhaïi droks bad ban ïoh kurup ruh ïa u droks.
Ka jingïoh kem ïa kitei ki ar ngut ka la long ha ka por jong ka jingtalasi kali ha Sohryngkham.
Halor ki khubor ba ïoh ïa ka jingdon ki suba nongkhaïi droks ba wan na Silchar, ka ANTF kala pynïeng ïa ka jaka talasi kali ha Sohryngkham bad kila ïoh bat ïa ki arngut na kawei ka kali kaba don ïa u registration number AS11-EC-3733, ba kynthup ïa kawei ka kynthei.
Kine ki arngut ki kyrteng ka Suma ba 42 snem bad u Sultan Mahammad Mazumder ba 35 snem kiba dei na Silchar (Assam). Na kine ki arngut, la ïoh kurup haduh 4 tylli ki synduk sabon ba thep droks ba khia kumba 54.13 gram.Ïa kine ki briew bad u droks la kurup noh bad la aiti sha ki pulit ka Sohryngkham. Ka ANTF kala ujor ejahar ha Sohryngkham Outpost hapoh ki kyndon ka NDPS Act. Ka jingtohkit mynta kala ïaid shakhmat.
