Shillong, Risaw 24
Ka Shillong Referee’ Society ryngkat ka jingïatreilang bad ka Shillong Sports Association ka la pynlong ïa ka jingïalang ai jinghikai ban kyntiew kyrdan bad ka eksamin kaba lai sngi lynter na ka bynta ki ‘referee’ phutbol ka Jylla.
Kane ka jingïalang ai jinghikai ka la sdang naduh ka 22 tarik Risaw bad la pynkut ha ka 24 tarik Risaw 2025. Ha kane ka sngi u kongsan u dei u Bah Joy Chandra Singh uba dei u heh jong ki Referee (North East Zone) jong ka All India Football Federation (AIFF).
Ki referee kiba la ïashim bynta ki long 48 ngut – 16 ngut ki kynthei bad 32 ngut ki shynrang.
Ka jingthmu jong kane ka jingïalang ka long ban ai jinghikai ïa ki referee kaba shisha bad ka jingshemphang kumno ban peit ïa ki jingïalehkai bad ban kyntiew ïa ka kyrdan jong ka rukom ïalehkai.
