Jowai, Risaw 24
Ka Khliehtyrshi SC kala rung sha ka semi final jong ka lympung ïalehkai 1st Division Football Tournament-Hajan Shylla Memorial Trophy ba la pynïaid da ka Thadlaskein Sports Association (TSA).
Kane kala wan hadien ba ka Khliehtyrshi SC kala pynliem ïa ka Tyrshang SC haka jingïakhun quarter final kaba la long ha madan Multi Sport Complex Wahiajer ha ka 24 tarik Risaw.
Ha ka jingïalehkai ka Khliehtyrshi SC kala pynliem ïa ka Tyrshang SC da 2-1 kol. Ïa ki kol jong ka Khliehtyrshi SC la thep da u Cheimi Dkhar 33 bad Bravemi Rymbai 80+5, katba ka shikol jong ka Tyrshang SC la thep da u Baranabas Pyngrope 30.
Lashai ka sngi ka jingïalehkai quarter final kaba khatduh kan long hapdeng ka Larnai SC bad Dongmihsngi SC.
