Jowai, Risaw 24
Ha ka sngi kaba lai ki nongshong shnong jong ka shnong Lapangap ki la sdang ïa ka jingot kba sa sha ki pynthor kiba don ha Nongjrong ha ka jingsynran ki pulit ka Meghalaya bad Assam ha ka 24 tarik Risaw.
Haba ïakren bad u Waheh Shnong, Ma Deimonmi Lyngdoh, u la ïathuh ba ha ka sngi Thohdieng, 5 tylli ki kali Pickup kila kit ïa ki nongrep ka Lapangap ban leit ban ot ïa u kba uba don sha ki hali ha Nongjrong.
U la ïathuh ruh ba ha kane ka sngi, la wan ïarap ot kba ïa ki nong Lapangap haduh 900 ngut ki paidbah na ki shnong kiba marjan kynthup ka Mukroh, Maitdein, Barato, Namdong, Sanaro, Cheibnai bad kiwei.
U la pyntip ruh ba lashai ka sngi Saitjaiñ ka jingot kba kan dang bteng biang ha Nongjrong, ha Tre Pynthor bad sha kylla ka ktem shipai kaba don hapoh u pud u sam ka shnong Lapangap.
Tang ha ka sngi Thohdieng la lah ban ot kba ha ki hali ba heh kumba 36 hectare.
