ïa kitei ki kyntien U Jisu ula jubab ïa ka jingkylli uwei u samla uba riewspah, uta u samla uba riewspah u la ong, Ko Nonghikai babha, kaei ngan leh ba ngan ioh ka jingim bymjukut ? U Jisu te u la ong ha u Blei ba me khot babha ïanga. Namar ym don uba bha hynrei tang uwei uba u Blei.
Haba la sahnarphna ïa u Jisu, te U Jisu u la ong. Ko Kpa to map ïa ki naba kim tip kaei ba ki leh. Shuwa ba un ïap U Jisu u la ong. Ko Kpa ha ki kti jongme nga aiti ïa la ka mynsiem. U Jisu uba na Nasaret uba la long u Nongïathuhlypa uba khraw bor ha ka jingleh bad ha ka ktien ha khmat u Blei bad u paidlang baroh. (Loukas 24 : 19).
To sumar ïa ki hukum jong nga, nga ruh ngan duwai ïa u kpa, te un ai ha phi ïa uwei pat u Nongpyntngen ba un ioh ïai sah lem bad phi ha la ka rta. U Khrist Jisu uba u hi ruh u briew. Namar ka Bible ka ong, don uwei u Blei bad uwei u ksiang ruh hapdeng u Blei bad ki briew (I – Timothi 2 : 5).
U Jisu mynba u dang im ha kane ka sla pyrthei ula hikai bad u la leit kylleng ka Galilaia u da hikai ha ka Synagog jong ki bad u da ïalap ïa ka Gospel ka hima, u da pynkhiah ïa ki jingpang baroh bad ïa ka jingkhrew baroh ruh ha ki briew (Math 4 : 23).
C. B. Iawphniaw
