Shillong, Risaw 26
Ki pulit ka State Disaster Response Force (SDRF) ha ka sngi U Blei ka 26 tarik Risaw, 2025 ha ka por 9:00 baje mynstep ki la ïoh ban sei noh ïa ka metïap jong uwei u rangbah briew uba la 50 snem ka rta na wah Umkhen ha ka shnong Jaroit kaba don ha East Khasi Hills District.
Utei u rangbah uba la tip kyrteng u Bah Kellshon Shadap, uba dei u nongshong shnong ka Pdengshnong, Nonghali u la jah rngai katba u dang tong dohkha ha ka wah Umkhen ha ka shnong Jaroit.
Ki pulit SDRF kaba dei ka kynhun jong ka District Disaster Management Authority (DDMA), East Khasi Hills, hapoh ka jingïalam jong u Sub Inspector u Bah DK Kharbhih ki la mih na SDRF, HQ ban poi ha Diengpasoh Police Station bad nangne ka kynhun ka la mih na Police Station sha katei ka jaka.
Hadien ba la bishar bniah ïa katei ka jaka, ka kynhun ka la pynlong ïa ka jingwad bniah da kaba pyndonkam da u sainar bad ban ngam shapoh um. Hadien ba la dep wad kumba shiteng kynta, ki pulit jong ka SDRF u T Khongstia bad I Lapasam ki la khwai ïa ka metïap na um.
Hadien ba la dep ban khwai la aiti noh ïa ka met jong utei u rangbah sha ki pulit.
Katkum ka jingïathuh ki pulit, la ong ba utei u rangbah uba la tip kyrteng kum u Bah Kellshon Shadap, u dei u lok jong ka Kong Sibonda War uba dei u nongshong shnong jong ka shnong Pdengshnong, Nonghali.
