Jowai, Risaw 25
Ka Larnai SC ka la rung sha ka semi final ha ka lympung ïalehkai 1st Division Football Tournament ba pynïaid da ka Thadlaskeiñ Sports Association (TSA).
Kane ka jinglah ban pynthikna ka la wan hadien ba ka la lah ban pynliem noh ïa ka Dongmihsngi SC da 3-1 kol ha ka quarter final kaba la long ha ka sngi Saitjaiñ ha Multi Sports Complex, Wahïajer.
Ïa ki kol jong ka Larnai la thep da u Shaniah Nongrum ha ka minit kaba 17, kumjuh u Mebanrap Shadap (48) bad u Ïadonryngkat Kharshohnoh (65), katba ka Dongmihsngi ka la pynphai kylla shi kol da u Dame Laloo (46).
Ka jingïalehkai semi final kan long ha ka 30 tarik mynta u bnai hapdeng ka Nongkhroh Mawsiang pyrshah ïa ka Khliehtyrshi SC, katba ha ka 1 tarik u Naiwieng ka Ummulong SC ïa ka Larnai SC.
