Jowai, Risaw 27
Ka Daphimon Khyriem ka la khyrwit da ka hat-trick na ka bynta ban pynlong ïa ka Ladthadlaboh ban jop da 8-0 kol pyrshah ïa ka Sabahmuswang ha ka lympung ïalehkai 1st Women League Football Tournament 2025 ha ka lah sngi U Blei ba la pynïaid da ka West Jaiñtia District Sports Association (WJDSA) ha madan Kiang Nangbah Stadium, Jowai.
Ka Daphimon ka la ïoh ban thep saw kol ha ka minit 2, 4, 13 & 29, kumjuh la bynrap da ka Diwaka Dkhar (8 & 47), ka Prema War (10) bad ka Ewanmisa Situng (12).
Haba phai sha ka jingïalehkai jong ka 1st Division Football Tournament, ka Dulong ka la pynliem noh ïa ka Nangbah Dukhu da 5-1 kol.
Ïa ki kol jong ka Dulong la thep da u Ïasanlang Dohling ha ka minit 19, kumjuh u Gideon Mukhim (49 & 84), Sahame Lyngdoh (57) bad u Genial Rasmut (64). Ïa ka shi kol na ka Nangbah Dukhu la thep da u Banteilang Ïongwai ha ka minit 82.
