Brasília, Risaw:
Ka Melissa Said, kaba 23 snem ka rta, kaba dei na Brazil, ka la shah kem hadien ba ki pulit ki la thwet ïa ka, halor ka jingkynnoh ba ka don bynta kum ka nongïalam jong ka kynhun khaïi drok bad ka pisa kaba heh kaba treikam hapdeng ka nongbah Bahia bad ka Sao Paulo, ong ka khubor The New York Post.
Ka Said, ka ba don palat 351,000 ngut ki nongbud ha ka Instagram, ka la shah kem katba ka dang rieh ha ïing paralok jong ka ha Bahia. Ka jingshah kem jong ka, ka la long hadien ba la bun sngi ka jingpahara bad wadbniah jur da ki pulit ka Bahia Civil Police, kiba kham mynshwa, ki la leit ban khynra ïa ki san tylli ki jaka jong ka, kum shi bynta jong ka “Operation Erva Afetiva”, kaba la ai kyrteng na kawei ka kyntien, kaba la ïathuh ba ka la pyndonkam ha ka ‘social media bio’ jong ka, kaba mut “ka jingieid ïa ki jingthung ïa u ganja.”
Katkum ka khubor The Post, ka jingtohkit ïa ka Said, ka la sdang naduh u snem 2024, ha kaba la kynnoh ba ka la shah kem ryngkat bad ki drok ha kawei ka kad liengsuiñ.
Ki bor synshar ki kam ba ka la pynshlur ïa ki nongbud ban kiar na ka jingpeit bniah jong ki pulit ha ka por ba kit drok bad ka la pynpaw pyrthei ïa ka kyrteng jong ka da kaba sam ïa ki song kiba don ki jingdih pynbuaid.
Ha kane ka jingkhynra, ki pulit ki la kem sa lai ngut kiwei pat ki suba bad ki la kurup 1.4 kilo u ganja ‘marijuana’ (ba la tip ha katei ka thain kum u ‘skank’), 270 gram u drok hashish, ki jingdih kiba rit, ki jingthew digital, ki tiar song, ki phone, ki bank card, bad ar tylli ki kali kiba la ngeit ba ki don jingïadei bad katei ka kam.
Ki pulit kim pat pynpaw ïa ka jinglong jong u briew uba lai uba la shah kem. La tip ïa ka na ka bynta ka jingtrei shitom jong ka ban kyntiew ïa ka jingpynlong ain ïa u drok, ka Said ha kaba sdang ka la phet krad na ka jingshah kem ha ki por ba ki khynra bad la khein ïa ka kum ka nongphet tuh haduh ba la kem ïa ka ha ka sngi Palei.
“Ka jingthmu jong kane ka jingtreikam ka long ban ïakhun pyrshah ïa ka jingkhaïi drok, ha kaba ka thong ba kongsan ka dei ka ‘digital influencer’ kaba kyntiew ïa ki kam runar,” ong u director jong ka tnad ïada u Ernandes Junior bad pynrem ïa ka jingkhaïi drok.
“La lap ba nalor ba ka kyntiew ïa ki kam runar bad ka jingdih drok, ka die bad sam ruh ïa ki drok ha Bahia, ryngkat bad katto katne ngut ki briew na Sao Paulo kum uwei na ki nong khaïi jong ka.”
