Shillong, Risaw 27
Ka India ka la pynkut da ki ar tylli ki jingshah rem ha ka Tri-Nation Women’s International Friendlies bad ha ka lah sngi U Blei ka la liem noh sa ha ka Nepal da 1-2 kol ha Jawaharlal Nehru Stadium, Shillong.
Kane ka long ka jingshah rem kaba ar ha kane ka lympung bad kham hashwa ka la shah rem da 2-0 kol ha ka Iran.
Tang mar ïasdang ka jingïaleh-kai, ka Nepal ka la pynkhih jar nyngkong eh ha ka minit kaba nyngkong lyngba ka Sabitra Bhansari bad kane ka la ïai neh haduh kaba kut jong ka kylla step. Hadien hynñiew minit ba la bteng ïa ka kylla miet, ka Sabitra ka la thep biang sa shi kol. Hashwa ban wai ka India ka la lah ban pynphai kylla shi kol lyngba ka Karishma Purushottam (80) hashwa ba kan mad ïa ka jingshah rem.
Kum ban shu pynkynmaw ka jingpynlong ïa kane ka lympung ka long shi bynta jong ka jingpynkhreh na ka bynta ka AFC Women’s Asian Cup Australia 2026 ka ban long ha u snem ban wan.
