Shillong, Risaw 28
Ka Jammu & Kashmir ka la pynliem noh ïa ka Meghalaya da 131 ron ha ka U-23 Men’s Col CK Nayudu Trophy Elite Group, ha ka sngi Ba-ar ha Jammu.
Kane ka jingjop jong ka J&K ka la wan ha ka sngi kaba lai jong kane ka jingïakhun, kaba la wan hadien ba ka la buh ïa ka thong kaba 293 ron na ka bynta ka kynhun ïalehkai ka Meghalaya, kaba la kamai tang 161 ron.
Wat lada ka Meghalaya ka la shah rem noh, pynban 8 ngut ki nongtied (batsman) jong ka, ki la lah ban kynjoh sha ki ar dak jingkheiñ (double figure) ha ka liang ka jingkamai ron ka jong ki, hynrei kiba bun na kine, lah pat ban ong ba kim shy m la lah ban pynjan pat ïa ka kynhun ban jam sha u line jong ka jingjop.
U nongtied ba la lah ban kamai bun ron dei u Md Ashif Khan uba la tied 34 ron na ki 35 bol, ba kynthup 6 tylli ki ‘four’ bud pat sa u Avinash Rai (24 na ki 30, 5x4s), ban seng artad ïa ka nongrim kamai ron kaba 51 ron naka bynta ka wiket kaba lai, hadien kane, ki wiket ka Meghalaya ki la ïai bteng ban khyllem uwei hadien uwei tad haduh ka khep jong u nongtied (batsman) ba 11 u PM Santosh, uba la ïoh 24 ron na ki 11 bol.
