Khliehriat, Risaw 28
Ka Thangskai Tiger SC bad ka Diengshynrum ki la khur jingjop ha ka Super Division Football Tournament na ka bynta ka 5th Kyrmen Shylla Contribution Trophy ha ka sngi Ba-ar.
Ha ka jingïakhun kaba nyngkong, ka Thangskai Tiger SC ka la pynliem noh ïa ka Chiehruphi SYWSC lyngba ka shi kol ba la thep da u Longprem Dera ha ka minit kaba 62.
Haba phai sha kawei pat ka jingïakhun, ka Diengshynrum SC ka la jop da 1-0 kol ïa ka Dhana CSC. Ïa kane ka shi kol la thep lyngba ka penalty ba la shut da u Rumi Lyngdoh ha ka minit kaba 21.
