Shillong, Risaw 28
Ka kynhun ki khynnah ïakura U-17 ki la mih na ka nongbah ban leit shim bynta ha ka 69th National School Games Boxing Competition 2025 ka ban long ha Itanagar, Arunachal Pradesh naduh ka sngi Ba-ar.
Kine ki long u Banchan Meki Pyrtuh (46kg), Banrapkupar Syiem Malngiang (52 kg), Ïarapskhem Rani (60kg), Hamarbasuk Shadap (63 kg) & Kyrshan Swer (48kg) kiba na East Khasi Hills, nangta u Karan Sunar (50kg) na Ribhoi, Challang D Arengh (54kg) na West Garo, Bitdor L Mawnai (57kg) na Eastern West Khasi bad u Mark Akimbo D Marak (66kg) na East Garo Hills. Ha ka liang ki kynthei ki long ka Badahun Syiemïong (42kg) na East Khasi Hills, Anisha Kharbani (44kg) na Eastern West Khasi Hills, katba ka Ekyrpang Sohïong (46kg) bad ka Evangellyne Sohbar (50 kg) na Ribhoi.
