Shillong, Risaw 29
Ka Kynhun Myntri (cabinet) ka Sorkar Jylla ha ka sngi Balang, kala ai jingmynjur ïa ka por ban pynkhreh ïa ka electoral roll na ka bynta ban pynlong ïa ka ilekshon sha Garo Hills Autonomous District Council (GHADC), ka ban long ha u snem ban wan.
Haba kren sha ki lad pathai khubor hadien ka jingïalang, u Myntri Sorkar bad nongaiktien ka Sorkar MDA Bah Wailadmiki Shylla u la pynbna ba ka Sorkar kala sdang ban trei ïa ki kam, watla kam pat shym rai ïa ka sngi ban pynlong ïa ka ilekshon.
U la batai ba ka Sorkar ka donkam ban sdang noh ïa ka jingpynkhreh pynkhrum ban pynthikna ïa ka jingdon ka electoral roll hashuwa ka ilekshon.
Ka Kynhun Myntri kala mynjur ïa ka por ban pynkhreh ïa ka electoral roll, kaba kynthup ïa ka jingpynmih ïa ka draft electoral roll, ka jingkam kyrteng bad jingpyrshah, bad ka jingrai khatduh ïa ki kyrteng ha ka electoral roll, u la ong.
Halor ki jingsngewkhia ba ïoh ïashimbynta ki nongthep vote bar jylla ha ka ilekshon GHADC, u Commissioner & Secretary Bah CVD Diengdoh u la pynshai ba u Deputy Commissioner un bud katkum ka Autonomous District Rules, kaba don ïa ki kyndon kiba shai ïa ka jingïoh thep vote.
U Bah CVD Diengdoh u la ban jur ba ïa ka ilekshon yn pynïaid katkum ki rules.
