Jowai, Risaw 29
Ka Khimusniang ka la khur jingjop ha ka Super Divi-sion Football Tournament (17th Kiang Nangbah Memorial Trophy), katba ka Spahmariang ka la jop ha ka 1st Women League Football Tournament 2025 ba la pynïaid da ka West Jaiñtia District Sports Association (WJDSA) ha ka sngi Balang ha Kiang Nangbah Stadium, Jowai.
Ha ka jingïalehkai jong ka Super Division, ka Khimusniang ka la pynliem da 3-0 kol ïa ka Ladthadboh . U Sanjini Dkhar u la thep ar kol ha ka minit kaba 47 & 64 bad ïa kawei pat la thep da u Wanbiang Passah (66).
Haba phai sha ka Women League, ka Spahmariang ka la jop da 2-0 kol ïa ka Q.C.S Football Women Club. Ïa kine la thep da ka Wanka Susngi ha ka minit kaba 7 bad ka Arwa Phawa ha ka minit ba 50.
