Shillong, Risaw 31
Ka Jaiñtia Students’ Union (JSU) ha ka 31 tarik u Risaw 2025, ka la thoh sha u Chairman ka Meghalaya Public Service Commission (MPSC) halor ka jingïatyngkhuh ka eksamin MPSC bad ka eksamin jong ka District Selection Commission (DSC) West Jaiñtia Hills.
Kane ka jingïatyngkhuh ki sngi ïa khun eksamin ka la wanrah ka jingeh ïa ki samla kiba kwah ban ïaleh ïa baroh artylli ki eksam.
Ka JSU ha ka shithi sha u Chairman ka la kyrpad ïa ka MPSC ban pynthikna, ba kum kine ki jingïatyngkhuh ki sngi thoh eksamin kim dei shuh ban jia bad ka seng ka la kyntu ruh ïa ka Chairman ban pynthikna ba kan don ka jingïatreilang hapdeng ki bor pynïaid eksamin MPSC bad DSC.
Ka seng ka ngeit ba ka jingïatreilang hapdeng ka MPSC bad ki DSC kan ai ka lad ïa ki samla ban ïoh ïa khun ïa ki eksamin jong ka MPSC bad DSC khlem da don ka jingïatyngkhuh ki sngi thoh eksam.
Ka JSU ka la kyntu ruh ïa ka MPSC ba kan bishar bniah halor kane bad ban shim ïa ki lad ki lynti ban pynthikna ba kum kine ki jingjia kin nym jia shuh nangne shakhmat.
