Shillong, Risaw 31
Ka HITO ka la kyrpad ïa u DC ban pyrkhing bad ban nym shah-shuh ïa ka jingrung lane ka jingwan jong ki sniang kiba nabar hapoh kane ka Jylla tad haduh ban da lah ban pynbeit pynbiang da kum wei lane katba kam pat long stabilize kane ka khlam.
Ka Hynñiewtrep Integra-ted Territorial Organiza-tion (HUITO) Ri-bhoi District hapoh ka jingïa-lam u samla Marius Mallai, General Secre-tary, ha ka 31 Tarik u Risaw 2025, ka la leit buh da ka dorkhas ha u Deputy Commissioner, Ribhoi District ha kaba ïadei bad ka jing saphriang bad pur stet jong ka khlam African Swine Flu (ASF) lane ka khlam sniang ha ka Jylla Assam bad Arunachal Pradesh.
Haba kren sha ki lad pathai u samla Marius u la ong ba ha ka jingwanrah ïa ki sniang ka dei na ka Jylla Assam bad kumta la kyrpad na u DC ba kat bym pat long stabilize kane ka khlam, ym dei ban shah ban wanrah ïa ki sniang ba nabar.
“Ngi ka la buh ka jingkyrpad sha u DC ba un sngewbha ban tehlakam halor ka jingwan kiew jong ki sniang kiba na ri thor, khnang ba kan nym shah ktah ïa ki jingri jinglum jong ka Jylla jong ngi hangne” la ong u samla Marius.
U la ong ruh ba “Ngi la ïohi ba ha kine ki sngi ba la dep ki sniang ki la ïap la kumba hynriew hajar tylli eiei ha ka Jylla Assam. Kumta ngi la dawa na u DC ba un shimkhia halor kane, khnang ba kan nym lah ban shah ktah pat ïa ki sniang jong ngi hangne”.
