Jowai, Risaw 31
Ka Daphimon Khyriem bad ka Prema War kila khyrwit da ka Hat trick kaba la pynlong ïa ka Ladthadlaboh SC ba kan thep kol haduh 13-0 kol pyrshah ïa ka Q.C.S Football Women Club ha ka jingïalehkai 1st Women League Football Tournament 2025.
Ïa kane ka jingïalehkai la pynïaid da ka West Jaintia District Sports Association (WJDSA) ha madan Kiang Nangbah Stadium, Jowai ha ka 31 tarik Risaw.
Ka Daphimon Khyriem kala khyrwit da ka Double hat trick haka minit 3, 11, 18, 22, 29 ,30 & 54, katba ka Prema War kala thep ha ka minit 7, 12 & 42.
Ïa ki lai tylli ki kol ba tam la thep da ka Risaka Phawa 23, Diwali Dkhar 35 bad Naki Kso 57.
Haba phai sha ka ka jingïalehkai Super Division-17th Kiang Nangbah Memorial Trophy ka jingïalehkai kala kut da ka jingïakhaid kaba mar 2-2 kol hapdeng ka Mooknor Thadmuthlong bad Nangbah Mulang.
Ïa ki kol jong ka Nangbah Mulang la thep da u Shanhok Siangshai 31 & 59, katba ïa ki kol jong ka Mooknor Thadmuthlong la thep da u Manhok Suchiang 90+1 & 90+3.
