Nongstoiñ, Risaw 31
Ka New Nongstoiñ ka la rah ïa ka nam lahduh ha ka lympung ïalehkai phutbol 1st MLA Cup 2025 ba la pynlong da u MLA ka Nongstoiñ u Bah Gabriel Wahlang, hadien ba ka la lah ban pynliem noh ïa ka Mawkaton SC da 2-0 kol ha ka jingïakhun final kaba la long ha ka lah sngi U Blei ha madan New Nongstoiñ.
Ïa ka nam Top Scorer la ïoh da u Babishal Wanñiang na ka Pyndeng-rei, Best Player ka leit sha u Istarbor Marngar na ka New Nongstoiñ, katba ïa ka nam Best Goalkeeper la ïoh da u Kitdor Swer na ka New Nongstoiñ.
Ha kane ka sngi la ïadon lang u Symbud Myntri Rangbah ka Jylla u Bah Prestone Tynsong kum u kongsan, katba u Bah Gabriel Wahlang kum u symbud kongsan. La ïadon lang ruh u R.G Momin, MLA ka Rambrai, u MDC ka Rambrai u Bah Lurshai Kharbani, Bah Gigur Myrthong, Working President ka NPP ka WKH, Bah Himalaya Shangpliang, Bah Sraly Rashir, MDC ka Mawshynrut kum u Sordar ka Shnong ka New Nongstoiñ bad kiwei-kiwei kiba la sam ruh ïa ki khusnam sha kitei ki kynhun.
Shuh-shuh haba phai pat sha ka lympung ïalehkai 1st MLA Cup Women’s Knockout Futsal Tourna-ment 2025, ïa ka nam lahduh la rah da ka Dilingim, hadien ba ka la jop da 1-0 kol ïa ka Mawkhlam ha ka jingïalehkai final kaba la long ha Leonel Futsal Arena, Pyndengrei.
Ïa ka nam Top Scorer la ïoh da ka Sunalinda Ïawren na ka Nong-lwai bad ka Graceful Marthong na ka Dilingim, Best Player ka leit sha ka Jeangta Marthong na ka Dilingim bad Best Goalkeeper la ïoh da ka Rebecca Kharbani na ka Mawkhlam.
Na ka liang u Bah Prestone u la pynpaw, “Nga kyrmen skhem ha ka jingïalam jong u MLA Bah Gabriel Wahlang ki khun samla kynthei bad shynrang kin ïa beh ïa kane ka sap ba kyrpang ba ki don bad nga ngeit skhem ba lyngba kane ka sap ba ki don kan sa long ka pliang ja ïa ka lawei jong phi bad ka ri ka jaitbynriew.”
