Mawkyrwat, Risaw 31
Kawei ka Ïing ha ka shnong Nongkenbah ,South West Khasi Hills District ka la pluh ha ka miet jong ka 26 tarik u Risaw 2025.
Katei ka ïing ka dei jong ka kong Saralin Kharmawleiñ bad katkum ki tyllong khubor ba la ïoh lum, la ïathuh ba ha katei ka miet ym shym la don briew ha katei ka ïing namar ka kong Saralin Kharmawlein kaba dei ka trai ïing ka leit shim dawai sha Shillong bad ka la shu ïoh jingtip na ki bahaïing bad ki para shnong.
La ïathuh ruh ba ha katei ka jingjia, ki para marjan ki la pyrshang ban pynlip ïa ka ding bad ïarap ruh ban sei ïa ki tiar ki tar hynrei namar ka jingklang jong ka ding kim shym la lah ban leh eiei shuh ha kaba baroh ki jingdon jingem ki la shah bam duh lut ha ka ding bad ka jingjulor baroh ka la kot sha ka T. 15 lak tyngka eiei .
