Mawkyrwat, Risaw 31
Ka ophis u District Sports Officer jong ka South West Khasi Hills District ha ryngkat ka jingïatreilang bad ka ophis u Block Development Officer, Mawkyrwat C&RD Block, ha ka sngi Palei ka la pynkut noh ïa ka Block Level Chief Minister’s Youth Engagement Programme 2025 halor ka phang “Where Youth Rise With Opportunity” ha Nativity Auditorium Hall Mawkyrwat.
Ki prokram kiba la pynlong ha kitei ki ar sngi ki long ka Guiter solo Instrument, Story Writing, Poetry Writing , Declamation , One Act Play, Tug of War, Folk Song, Science Mela, Folk Dance, Painting Competition bad ka Quiz Competition.
La wan ban ïashim bynta ha kane ka lympung jong ki samla da ki skul bad ki shnong bapher bapher jong ka Mawkyrwat Block kumjuh ruh ki riew shimet.
Ïa kane ka lympung la wan ban pynhap pyrda da u Bah Pynkhrawborlin Kharjahrin, MDC ka thaiñ bad uba dei ruh u EM uba dei khmih ïa ka tnat Council Asset jong ka KHADC ha ryngkat ka jingdonlang u Bah D. Syngkon, DSO ka SWKHD, Bah B. Jyrwa, Superintendent of Police SWKHD bad bah I. Lawriñiang, BDO Mawkyrwat C& Rad Block, Bah O.L Passah, Superintendent of Fisheries ka SWKHD bad kiwei-kiwei.
Ha kane ka sngi la sam ïa ki khusnam bapher bapher sha ki nongjop da u kongsan ryngkat ki ophisar bapher bapher ha ryngkat ka jingsakhi lang ki nonghikai, ki kmie ki kpa bad ki samla pule jong ka dong ka thaiñ.
Ki nongjop ha ka ïakop thoh Poetry la jop da Laribiang Tongwah na ka Sngap Syiem College. Ha ka Story Writing la jop da u Pyndapbor Wartde jong ka St. Xavier College, Umoid. Ha ka Declamation Competition la jop da u Stivenson Jyrwa jong ka St. Xavier College, Umoid. Ha ka One Act Play la jop da ka Maharam Government HSS. Science Mela la jop da ka St Xavier College. Ha ka Painting la jop da Mebanker Nongsiej jong ka Sngap Syiem. Ha ka Quiz Competition la jop da ka Sngap Syiem Ha ka Solo Competition la jop da u Khlaiñbor Ramsiej na Shnong Pyndensakwang.
Ha ka Tug of War la jop da ka St. Xavier College, Umoid .Ha ka Folk Song la jop da ka St Xavier College, Umoid bad ha ka Folk Dang pat la jop da ka Ri Maram Folk Academy, Mawlangwir.
