Shillong, Risaw 31
U Bah Paul Lyngdoh u nongaibuit ka Tnad Social Welfare ka Sorkar Jylla u la pynbna ba ka Sorkar Jylla ka la rai ban pynïoh Anganwadi Centre (AWC) sha baroh ki Shnong bym pat ïoh hapoh u bnai Lber 2026.
Ia kane ka rai la shim ha ka jingïalang bishar kam ba la pynïaid day u Myntri Rangbah ka Jylla, u Conrad K Sangma myn ha ka 29 tarik u Risaw 2025, ba la ïakren ïa kiba bun ki kam bad ki prokram ba la pyntrei da ka tnad Social Welfare.
Ha katei ka jingïa-lang, ka rai kaba la shim ka long ba baroh ki shnong ki bym pat ïoh Anganwadi Centre kin sa ïoh noh.
“Ngi don kumba 1700 tylli eiei kum kine ki shnong. Ia mynta, ki la don hsduh 6000 tam ki AWC bad ki 1700 ba sah yn sa pynïoh noh hapoh u bnai Lber u nsme 2026, kaba mut ba baroh kawei ka Jylla kan sa don ïa ki Anganwadi Centre,” la ong u Bah Paul haba ïakren bad ki nongthoh khubor. U la pynbna ruh ba ka Asian Development Bank (ADB) ka la bei pisa ba T.20 klur shisnem ban kyrshan ïa ka Supplementary Nutrition Programme (SNP) ha Jylla.
“Ka SNP jong ka Sorkar Meghalaya kan nang kham heh shuh shuh da ka jingbynrap shuh shuh ïa ki mar bam ki bym pat shah kynthup ha ki jingbam ba la buh bad sam lyngba ki Anganwadi Centre. Namar kane, ngi sngewkmen ban pynbna ba ka ADB ka la dep wan shakhmat ban kyrshan ïa ka Sorkar Jylla da ka jingbei pisa ba T.20 klur shisnem na ka bynta ka SNP ba kynthup ïa ki jingbam ba la shet (HCM) bad ki marbam ba ai rah sha ïing” ong u Bah Paul.
Ki AWC kin ai ïa ki jingbam ba dang shu ih arsien ha ka shisngi ryngkat bad ar tylli ki pylleng ha ka shitaiew ïa ki khynnah kiba hapdeng ka 3-6 snem ka rta.
U Bah Paul u la pynbna ruh ïa ka jingthmu ka Sorkar ban kyntiew kyrdan ïa ki 2000 tylli ki AWC da ki solar panel bad ban aiti ïa ka jinglong trai ma ka Sorkar sha ki shnong. Ban pynkhlaiñ ïa ka Early Chilldhood Care and Education (ECCE), u Bah Paul u la ong ba ka Sorkar kan sa thaw ïa ka post jong ka post jong ka Lady Supervisor, ka ban tip kum ka Assistant to Child Development Project Officer (CDPO).U Myntri Rangbah un s aleit ban jurip man ka lai bnai ban bishar ïa ki jingtreikam jong ki Centre.
Ka Sorkar ka la mynjur ban thungkam ïa u Nutritionist u ban sa leit lum nuksa ïa ki jingbam bad ai kaiphod sha ka Sorkar, la bynrap u Bah Paul.
