Shillong, Risaw 31
Ka Meghalaya Carrom Association (MCA) ka la sei ïa ki 12 ngut ki khynnah ïalehkai kynthei bad shynrang ki ban leit shim bynta ha ka 50th Junior National Carrom Championship 2025-2026 ka ban sdang naduh ka 1 haduh 4 tarik u Naiwieng mynta u snem ha Gwalior, Madhya Pradesh.
Kat kum ka kyrwoh ba la pyllait da u General Secretary Bah Ferdinand Nongkynrih, la ong kitei ki 12 ngut ki kynthup ïa ki 5 ngut ki kynthei bad 7 ngut ki shynrang hapoh ka jingïalam jong u Bah Ferdinand Nongkynrih (official), Bah Banrapborlang Wahlang (vice President) kum u manager bad Kong Anita Kharkongor.
La ïathuh ba katei ka kynhun kan mih na ka nongbah Shillong ha ka 30 tarik mynta u bnai.
