Jowai, Naiwieng 02
Ka Dulong FC ka la lah ban pynthikna ïalade ban rung sha ka semi final ha ka lympung ïalehkai 1st Division Football Tournament n aka bynta ka 13th Chatister Kharkongor Memorial ba la pynïaid da ka West Jaiñtia District Sports Association (WJDSA).
Kane ka la wan hadien ba ka la pynliem noh ïa ka Nangbah Ïawmusiang SC da 6-0 kol ha ka jingïalehkai quarter final kaba la long ha ka sngi Saitjaiñ ha Kiang Nangbah Stadium, Jowai.
Ha kane ka jingïakhun quarter final kaba nyngkong ka kynhun ïalehkai jong ka Dulong ka la lah ban ïalehkai bha naduh kaba sdang ha kaba ka la ïoh ban thep saw kol ha ka kylla step lyngba u Sahame Lyngdoh ha ka minit kaba 3, kumjuh u Dawanmonmi Mynsong (19), Ebenezer Nongrap (24) bad u Gideon Mukhim (28).
Kane ka kynhun ka la pynbud biang sa ar kol ha ka kylla miet lyngba u Dawanmonmi Mynsong ha ka minit kaba 55 bad u Ïasanlang Dohling (64). Haduh kaba kut ka Nangbah Ïawmusiang kam shym la lah ban pynphai bad ka la mad ïa ka jingshah rem.
