Shillong, Naiwieng 03
U rangïalehkai ka Meghalaya u Ajay Duhan (guest player) u la lah ban kynjoh sha uwei pat u mawmer ha ka jingim ka jong u ban kamai ïa ka spah ron kaba nyngkong ka jingim ka jong u bad la bynrap lang da ka 50 ron lyngba u Swastic Chettri, ha ka jingïakhun jong ka Ranji Trophy 2025-26 pyrshah ïa ka Bihar ha ka lah sngi U Blei ha Patna.
Tad haduh ba la kut jong ka sngi, kaba lai, ka Meghalaya ka la lah ban kamai 235 ron hadien ba ka la shah pynhap 4 wiket na ki 82 over, kaba kdew beit ba kane ka jingïakhun kan poi sha kaba ïakhaid (draw).
Haba phai sha ka jingïakhun, ka Meghalaya ka la duh noh ïa u Arpit Bhatewara hadien ba u la lah ban kamai tang 1 ron, hynrei u Bamanbha Shangpliang (39 run na ki 149 bol) bad u Ajay, ki la lah ban lam khmat ïa la ka kynhun ba kan poi sha ka thong kaba kham skhem.
Kumta satang shisien kane ka jingïakhun, ban ong ba kan mih na kane ka jingïakhun, bad kan shong eh ba haduh katno ki nongtied ka Meghalaya kin dangïai bteng ïa la ka pali wan tied ha ka sngi Ba-ar.
