Shillong, Naiwieng 03
Ka lympung ïalehkai Meghalaya Women’s State League 2025 ba la pynïaid da ka Meghalaya Football Association, ka la jam pat mynta sha ka kyrdan ïakhun quarter final, ha kaba ki jingïakhun la buh ban pynlong ha SSA Stadium kaba ha First Ground, Polo ha ka sngi Ba-ar.
Te kumta ka jingïakhun kan long hapdeng ka Laitkor SC pyrshah ïa ka Mawten ha ka por 10 baje mynstep.
Ki lai tylli ki quarter final kiba sah la buh ba kin long pat ha ka sngi kaba bud, kata ha ka sngi Balang jong ka taïew, ha kaba ki ‘thei ïalehkai ka Na Rympei Football Academy kin ïakhun pyrshah ïa ka Bright Future SSCC ha ka por 10 baje mynstep, ban bynrap pat da ka jingïakhun hapdeng ka Pay For Right Football Academy pyrshah ïa ka Mawlum Tyrsad SC ha ka por 1 baje nohphai sngi, katba ka Diengshyn-rum SC pyrshah ïa ka Jakrem SC ha ka por 4 baje nohphai sngi.
Ka jingpynïakap (draw) ïa kine ki kynhun ban ïakhun ïa ka quarter final la pynlong da ka MFA ha ka 1 tarik mynta u bnai, bad hadien ba kut kane ka jingïakhun baroh, kan khreh ba kan jam pat sa sha ka kyrdan ïakhun jong ka semi bad pynkut da ka phainal.
