Jowai, Naiwieng 03
Ka Madan Thadmuthlong SC ka la long ka kynhun kaba ar ban rung sha ka semi final ha ka lympung ïalehkai 1st Division Football Tournament (13th Chatister Khar-kongor Memorial Trophy) ba la pynïaid da ka West Jaiñtia District Sports Association.
Kane ka la wan hadien ba la pynliem noh ïa ka Lion Sports & Youth Affairs da 3-1 ha ka jingïalehkai quarter final kaba la long ha ka lah sngi U Blei ha Kiang Nangbah Stadium, Jowai. U Precious Tang u la thep ar kol ha ka minit 1 & 73 na ka bynta ka Madan Thadmuthlong bad ïa kawei pat la thep da u Pynïaidmiki Tang (18). Hynrei ka Lion Sports & Youth Affairs ka la pynphai kylla shi kol lyngba u Edius Laloo (51).
Haba phai sha ka jingïalehkai ki kynthei ba la tip kum ka 1st Women League Football Tourna-ment, ka Carpedien ka la jop da 3-0 kol ïa ka Spahmariang.
Ïa kine ki kol la thep da ka Daphi Dkhar ha ka minit 9 & 43 bad ka Elizabeth Thianglai (35).
