Shillong, Naiwieng 04
U Symbud Myntri Rangbah ka Jylla Bah Sniawbhalang Dhar u la pyntip ba ka jingpynheh ïa ka Shillong Airport la khmih lynti ba kan dep noh hapoh ki 18 bnai na ka sngi ba la aiti ïa ka work order.
Ka jingkhot tender ka dang ïaid shakhmat bad ka Airport Authority of India kan dang ban aiti ïa ka kam ban pyntrei.
Haba kren sha ki nongthoh khubor ha ka sngi Ba-ar, u Bah Sniawbhalang u la ïathuh ba ka Sorkar Jylla kam pat aiti satia ïa ka jaka ban pynheh ïa kane ka kad hynrei baroh kiei-kiei kila ïaid ha ka lynti kaba dei. U la kyrpad ïa ka AAI ba kan pynsted noh ïa ka kam namar ka Agency ba pyntrei, kam dei satia na ka Sorkar Jylla.
Haba ïadei bad ka Baljek Airport, u Bah Sniawbhalang u la ïathuh ba ka Sorkar Jylla kala kyrpad ïa ka AAI ba kan pynlong ïa ka jingjurip ban ithuh bad ïoh jingkheiñ ïa ka jaka ba donkam ban pynheh ïa ka kad. Ka Sorkar ka dang ap ïa ka jubab na ka AAI.
Halor ka jingdawa ban wan pynhiar ïa ki liengsuiñ kiba kham biang bad paka ha kad liengsuiñ Baljek, u Bah Sniawbhalang u la ong, ka kam ba hakhmat eh ka dei ban pynkhreh shuwa ïa ka Airport bad yn sa ïakren ïa kane ka kam.
Ka Sorkar Jylla kala ïasoi ïa ka soskular ban aiti ïa ka Airport sha ka Airport Authority of India.
