Shillong, Naiwieng 04
U Swastic Chettri, u la duh da ka said ban kamai ïa ka spah ron (century), kaba pynlong ïa ka jingïakhun hapdeng ka Meghalaya bad ka Bihar ban kut ha ka jingïakhaid ha ka Ranji Trophy 2025-26 ha ka sngi Ba-ar ha Patna.
Ha kane ka jingïakhun kaba ar sngi, ka Meghalaya ka la kamai 408 ron bad shah pynhap 8 wiket ha ka pali kaba nyngkong, bad ka Bihar kaba la wan ban tied hadien ka la kamai 156 ron hadien ba la hap noh 4 wiket.
Ha kane ka kynti kaba mynta u Ajay Duhan u la kamai 129 ron, katba u Swastic, uba dang shu ïoh ban ïalehkai tang arsien, ula ïakhun tyngeh, hynrei u la shah pynkhyllem noh hadien ba u la ïoh ban tied 94 ron na ki 205 bol, hadien ba u la shah pynhap noh ha u Himanshu Singh.
Nalor kata u Jaskirat Singh Sachdeva (35 not out na ki 50 balls) bad u Akash Chaudhary ki la lah ban bteng ïa ka pali ban kamai ron hadien ba kine baroh arngut ki la lah ban kynjoh sha ki 98 run.
