Mazar-e Sharif, Naiwieng:
U jumai uba 6.3 Magnitude ka jingkhlaiñ, u la pynkhynñiuh ia ka nongbah Mazar-e Sharif jong ka ri Afghanistan ha ka step Sngi Nyngkong, ha kaba 7 ngut ki la khlad hashen bad kumba 150 tam pat ki la ngat bad mynsaw ha katei ka jingkhynñiuh.
Ka tnat Geological Survey jong ka US ka la pyntip ba utei u jumai u don ia ka jingjylliew kaba 28 km hajan ka Mazar-e Sharif, kaba don ia palat 5,23,000 ngut ki paid nongshong shnong.
Ia katei ka jingkheiñ, la shu ai jingkheiñ kyllum katkum ka jingkheiñ ba la ioh na ki jaka sumar ha ka step Sngi Nyngkong.
Ka USGS ka la pynbna ruh da ka ‘Orange Alert’ ha ki kor PAGER, khnang ba katei ka kor ai jingtip, kan phah jingtip mar-mar haba don kino- kino ki jingshah ktah na utei u jumai ha katei ka sngi.
La ong ba utei u jumai, u la pynjulor ia katto- katne ki bynta jong ka jaka ba kyntang ha Mazar-i-Sharif, kaba don hapoh ka thaiñ Balkh.
