Shillong, Naiwieng 04
Ka Laitkor SC ki la jam sha ka semi final ha ka Meghalaya Women’s State League 2025, ba la pynïaid da ka Meghalaya Football Association, hadien ba ka la pynliem da 10-1 kol ïa ka Mawten SC, ha ka quarter final kaba la long ha ka sngi Ba-ar ha SSA Stadium, First Ground, Polo.
Ha kane ka jingïa-khun, ki ‘thei ïalehkai ka Laitkor SC ki la lah ban ïalehkai bha naduh kaba sdang ha kaba ka Ïaraplang Nongrum ka la khur ïa ka hat-trick da kaba thep ha ka minit kaba 2, 12 & 44, ïa kaba la ïarap lang da ka Ibashisha Khongwet (49 & 63) bad Inrila-i-dor Khongthaw (55 & 58), katba ïa ki shi kol la thep da ka Ideibanrishisha Kharpan (26), Ibakordor Wahlang (40) bad ka Sukrilin L Marshillong (90+1). Ïa ka shi kol jong ka Mawten la thep da ka Lavinia Lyngkhoi (72).
Te kumta ka Ïaraplang ka la ïohpdiang ïa ka Player of the Match ba la sam da u Bah Cliff Nongrum, Vice-President ka MFA.
Ki lai tylli ki jingïa-khun quarter final la buh ban long ha ka sngi Balang, ha kaba ka Na Rympei Football Acade-my kan ïakhun pyrshah ïa ka Bright Future SSCC ha ka por 10 baje mynstep, kumjuh ka Pay For Right Football Academy ïa ka Mawlum Tyrsad SC ha ka por 1 mynsngi, bad ka Diengshynrum SC ïa ka Jakrem SC ha ka por 4 baje nohphai sngi. Baroh kine ki jingïakhun kin long ha SSA Stadium.
