Shillong, Naiwieng 04
Ka Meghalaya Police FT ka la pynliem noh ïa ka Ryntih SC da 2-0 kol na ka bynta ban khur ïa ka jingjop kaba hynñiew ha ka lympung ïalehkai 1st Division Football league 2025 ba la pynïaid ka Shillong Sports Associa-tion ha ka sngi Ba-ar.
Kane ka nam jop ka la wan urlong lyngba u Marbiangki Suchiang (72) bad u Pynshailang Lyngkhoi (85) na ka bynta ka pynlong ïa ka MLP ban ïaryngkat mar 21 point bad ka Nong-kseh, kaba la tam lyngba ka jinglah ban thep kol bun.
Ka jingïakhun ha ka sngi Palei kan long hapdeng ka Mawkhar pyrshah ïa ka Nongthym-mai ha ka por 2 baje nohphai sngi.
