Jowai, Naiwieng 05
Ka Demthring ka la khur jingjop ha ka Super Division Football Tournament (17th Kiang Nangbah Memorial Trophy), katba ka Carpedien FC ka la khur jingjop ha ka 1st Women League Football Tournament 2025 ba la pynïaid da ka West Jaiñtia District Sports Association (WJDSA) ha ka sngi Balang ha Kiang Nangbah Stadium, Jowai.
Ha ka jingïalehkai jong ka Super Division, ka Demthring ka la pynliem noh ïa ka Youth Cultural Sohmynting da 7-0 kol. Ïa kine la thep da u Forman Nongsiej ha ka minit kaba 15, kumjuh u Phransis Mukhim (46 & 70), Teibha Lamin (53), Civilin Khongmalai (59), Primrose Lamat (69) bad u Heisa da e Ryngkhlem (81).
Haba phai sha ka 1st Women League Football Tournament, ka Carpedien FC ka la pynliem ïa ka Catholic Youth SC da 7-0. Ka Deigracia Dan ka la khur ïa ka hat-trick da kaba thep san kol ha ka minit kaba 3, 24, 34, 41 & 60+1, ha kaba la bynrap sa ka Ibanetilut Shylla (18) bad ka Peacefully Pohplet (59).
